Rabil

Raibl
Rabelj
Rabil

Glesie di Sante Ane

La gleseute di Sante Ane e je un edifici religjôs piçul e graciôs, tal cûr de frazion di Rabil. Fate sù tal secul XVIII, e à doi ingrès cuntune disposizion singolâr: un al è tal mieç de façade, e chel altri sul so flanc a man drete. E à un cjampanili “a elmet prussian”_, unic te val. La sô presince tal mieç dal borc e rimarche la sô impuartance te vite di ogni dì par chei che a son a stâ achì, cu la funzion di lûc di riflession e di memorie coletive. 

Dentri, la glesie e conserve cualchi furniment di grant presi artistic: tra chescj, al risalte un pulpit rafinât di len policrom, ornât cun finece cu lis figuris dai cuatri evangjeliscj. Chest element nol è dome testemoneance de abilitât artesanâl locâl, ma al da ancje al ambient une solenitât misurade, che e rive a armonizâsi cu la sobrietât dal stes edifici. La cumbinazion tra semplicitât architetoniche e elegance dai detais internis, e rint chest edifici une piçule zoie di spiritualitât e di art.   

Dongje de gleseute di Sante Ane, e je ancje une glesie plui grande e moderne, fate sù tra il 1962 e il 1971, cuant che i abitants a Rabil a jerin tancj di plui par vie de plene ativitât de miniere locâl. Cheste gnove glesie, cun liniis contemporaniis, e je testemoneance des trasformazions demografichis e sociâls dal borc, intant che Sante Ane e reste un simbul de tradizion e de continuitât storiche de comunitât, riclamant la memorie dal passât e lis lidrîs culturâls dal lûc. 

OrariS DES MessIS

Sabide 17.00

Fiestis e ricorencis

Sante Ane (ai 26 di Lui)

Sante Barbare (ai 4 di Dicembar)