Cjamparòs

Žabnice

Saifnitz

Cjamparos

Plêf di Sant Egjidi

La Plêf di Sant Egjidi, fondade di Oton di Bamberg, vescul tra il 1106 e il 1139, e je stade la prime di dute la val, e cussì e je restade par trê secui. Mari di dutis chês altris parochiis de val, e je stade rinovade e consacrade tal 1471.

Il cjampanili al è dal 1769 e al à un cuviert ”a cevole”. Dentri e à trê navadis e une abside poligonâl dal tart gotic, e il sofit al à un volt a cuestis. Sul sofit a son pituris de fin dal Sietcent e afrescs che a mostrin “La flagjelazion” e “La crucifission”. E je ancje une statue di len di Sant Egjidi. Daspò dai dams dal taramot dal 1976, l’orghin antîc de glesie al è stât metût a puest e al è tornât in funzion. La arciparochie di Cjamparòs e je stade par agnorums sede dal Decanât de Valcjanâl, che dome plui tart al à cjapât il non di Decanât di Tarvis.

Dilunc de Messe de domenie, che si dîs par talian, a son ancje parts par sloven, e te glesie e je inmò esponude la Via Crucis cun scritis par sloven.

Oraris des Messis

Domenie – 10.00

Lunis: 18.00

Martars: 18.00

Joibe: 18.00

Sabide: 18.30

Domenie: 10.00

Fiestis e ricorencis

Sant Egjidi (il 1ⁿ di Setembar)

Sant Josef (ai 18 di Març)

Glesiis filiâls

Glesie di Sante Dorotee

Mont Sante di Lussari

Glesie di Sante Dorotee tal borc Filja

La gleseute di Sante Dorotee (tal borc Filja, che al è une part di Cjamparòs), poiade suntune piçule alture, e je stade tirade sù tra la fin dal Tresinte e il tacâ dal Cuatricent, cuntun piçul vestibul cuviert. Te gleseute a son interessants soredut i siei afrescs internis: inmagants, ma pardabon cruents, a contin di storiis dolorosis intun stîl che al è a clâr di di là des Alps. La glesie e je stade rinovade daspò dal taramot dal 1976, e la costruzion e je in stîl gotic carinzian. Daûr de tradizion, l’altâr fat di marmui di plui colôrs, il tabernacul e ce che al reste dal orghin antîc a varessin di vignî dal Santuari de Mont Sante di Lussari. Il sofit de navade al è decorât cuntun afresc dal Votcent. 

Oraris des messis:

–

Fiestis e ricorencis

Sante Dorotee (ai 6 di Fevrâr)

Santa Dorotea (6 febbraio)

Santuari de Madone de Mont Sante di Lussari

Il Santuari de Mont Sante di Lussari al è clamât ancje “Santuari dai trê popui”, parcè che in chest lûc si cjatin adun lis popolazions di Carinzie, Slovenie e Friûl-Vignesie Julie. Daûr de leiende, il santuari al è nassût tal 1360, tant che capele, che in dì di vuê di chê nol reste plui nuie. Tal Sîscent a son stadis fatis sù la sagristie, il cjampanili e lis capelis laterâls. Intant, dongje dal edifici al jere bielzà nassût il piçul borc che al dave acet ai pelegrins. Daspò di diviersis vicendis e de distruzion dilunc de prime vuere mondiâl, il santuari al è stât ricostruît e si lu à tornât a consacrâ tal 1924; al è stât rinovât une altre volte dopo dal taramot dal 1976. Dal vecjo furniment al conserve dome la statue de Madone cul Frutin. La statue miracolose e je une opare di scuele austriache dal periodi gotic, i afrescs tal arc trionfâl a son dal artist sloven Tone Kralj (1930).

Par savê cuant che al è viert, e i oraris des Messis e altris events, cjalait sul sît lussari.eu