Malborghet

Malfeist

Malborgeth

Malborghet

Glesie de Visitazion di Marie e di Sant Antoni

De antighe glesie dal secul XIII al reste dome il portâl bande Sud. La struture di vuê e je forsit dal secul XV, ma e à vût tal timp cetancj cambiaments e rinovaments. La glesie di Malborghet e je deventade sede parochiâl tal 1484, cun chê di meti adun ducj i paisuts di lenghe todescje sot di une capelanie uniche. La glesie e cjape dentri, par dî il vêr, dôs glesiis: chê dal Cinccent e chê dal Sîscent, avodade a Sant Zuan. L’interni al à dome une navade, e il sofit al à il volt a cuestis. Dilunc dai restaurs dal 1985, a son saltâts fûr afrescs dal secul XV, e tra chescj une Madone che e da di lat. Te glesie e je conservade ancje une statue di len de Madone cul Frutin, dal Cuatricent.

Cun di plui, e je inmò esponude la Via Crucis cu lis scritis par todesc.  

ORARIS DES MESSIS:

Miercus – 17.15

Domenie – 18.30

Fiestis e ricorencis

Visitazion di Marie (ai 31 di Mai)

Sant Antoni abât (ai 17 di Zenâr)

Lusniz

Lussnitz

Lužnice

Lusniz

Glesie di Sant Gotart

L’edifici al è stât consacrât dal vicjari gjenerâl di Aquilee tal 1450, ma si faseve riferiment ae presince di une capele sul puest za tal 1436. Tal 1660 al è stât restaurât di Gabriele Canal di Malborghet, imprenditôr tes fusinis metalurgjichis dal paîs. La struture e à patît grancj dams sedi te prime vuere mondiâl sedi cul taramot dal 1976. Dentri de glesie a son inmò trê altârs di len: chel maiôr, cun statuutis dai Sants Gotart, Catarine e Barbare, al è de fin dal Cinccent; l’altâr laterâl – dal 1642 – al è insiorât di une pale dal vençonês Giovanni Snaidero, che e rapresente la Caritât di Sant Martin; il tierç altâr, dal Sietcent, al mostre un Crist resurît.

ORARIS DES MESSIS

Sabide – 17.00 (te struture dal Tommaseo)

Fiestis e ricorencis

Sant Gotart (ai 4 di Mai)

Sante Catarine

Sankt Kathrein

Šentkatrija

Sante Catarine

Glesie di Sante Catarine di Alessandrie

La glesie e esisteve za te metât dal secul XII, ma i àn metût man plui voltis vie pai secui. E à une aule retangolâr e il presbiteri poligonâl cun cuintrifuarts tai cjantons esternis. Il cjampanili al à une linie slançade e elegante, e graciôs al è il piçul puarti che al da acet ae statue de Sante.

ORARIS DES MESSIS

–

Fiestis e ricorencis

Sante Catarine di Alessandrie (ai 25 di Novembar)